“Rəqəmsallaşma artıq imic və ya texnoloji dəb çərçivəsini aşarasq, iqtisadi modelin əsas dayaqlarından birinə çevrilir. Xaricə tez-tez səfər edənlər yəqin təsdiq edər ki, inkişaf etmiş hesab olunan bir çox dövlətlərlə müqayisədə Azərbaycanda elektron xidmətlərin əlçatanlığı, dövlət xidmətlərinin inteqrasiyası və rəqəmsal platformaların gündəlik həyata tətbiqi daha çevik və sistemli qurulub”.

Adalet.az xəbər verir ki, bunu iqtisadçı Eldəniz Əmirov deyib. 

“Bu gün imzalanan fərmanla Rəqəmsal İnkişaf Şurasının yaradılması isə prosesi növbəti mərhələyə keçirir. Yəni siyasətin mərkəzləşdirilmiş koordinasiyası, süni intellekt və innovasiya sahəsində vahid strateji yanaşma və normativ bazanın təkmilləşdirilməsi kimi məsələləri nəzərdə tuturam. Ümid edirəm ki, bu qərar rəqəmsallaşma prosesini daha planlı və koordinasiyalı edəcək və ölkənin texnoloji inkişafına real təkan verəcək”, - deyə o, bildirib. 

Vasif ƏLİHÜSEYN