Bu gün günün ikinci yarısında güclü külək nəticəsində elektrik enerjisi təchizatı kəsilmiş  Tovuzun bir sıra kəndlərinə enerji verilişi bərpa edilib.

Bunu “Azərişıq” ASC-dən bildiriblər.

“Açıqlamadan sonra dərhal əməkdaşlar qəza yerinə yollanıblar və hazırda Tovuz rayonun bütün yaşayış məntəqələri elektrik enerjisi ilə təchiz edilib, - deyə qurumdan bildirilib.

20:42

Tovuzda güclü külək bir sıra fəsadlar törədib.

APA-nın məlumatına görə, külək bir neçə kənddə elektrik dirəklərini aşırıb, xətlər qırılıb.

Nəticədə rayonun Yuxarı Öysüzlü, Əlibəyli, Mülkülü və Hacallı kəndlərinə elektrik enerjisinin verilməsi dayandırılıb.

Hazırda “Azərişıq” və digər adiyyatı qurumların əməkdaşları sözügedən kəndlərə ezam olunublar.