Fransa prezidenti Emmanuel Makron, ABŞ prezidenti Donald Trampın G7 sammitini gözlənilmədən tərk etməsini şəhr edərkən bildirib ki, Tramp İsrail- İran "müharibəsinin dayandırılması" üzərində işini davam etdirmək üçün Vaşinqtona qayıdıb.

 ABŞ prezidenti özünün Truth Social şəbəkəsindəki səhifəsində, Fransa prezidenti Emmanuel Makronu "diqqəti özünə yönətməyə" çalışan adlandıraraq bildirib ki, "Bu düz deyil. Makron bilmir ki, mən nə üçün Vaşinqtona qayıtmışam. Bunun atəşin dayandırılması ilə heç bir əlaqəsi yoxdur. Bu daha vacib məsələdir. Makron həmişə olduğu kimi, hər şeyi tərsinə anlayır"-deyə amerikan lider bəyan edib

 Kiprli jurnalist Aleks Xristoforu, Politico qəzetində dərc etdirdiyi materialda bildirir ki, ABŞ prezidentinin "Böyük yeddiliyi" tərk etməsunin səbəbi, G7-yə üzv dövlətinin altısının Trampa qarşı olmasıdır.

 Rüstəm Hacıyev