ABŞ prezidenti Donald Tramp Ukraynanın “nə vaxtsa” Rusiyanın bir hissəsi ola biləcəyini istisna etməyib.

Adalet.az xəbər verir ki,  bu barədə Amerika lideri "Fox News" telekanalına açıqlamasında deyib. 

"Onlar sövdələşə bilər, amma razılaşmaya da bilər. Ukrayna nə vaxtsa Rusiyaya çevrilə bilər, çevrilməyə də bilər", - telekanal ABŞ prezidentindən sitat gətirib. 

Tramp əlavə edib ki, o, Amerika vergi ödəyicilərinin pullarının təhlükəsiz olduğuna dair zəmanət istəyir, çünki ABŞ Ukraynaya yüz milyardlarla dollar xərcləyib.

Xatırladaq ki, Donald Tramp bundan əvvəl Ukraynada münaqişənin həlli məsələsində mühüm irəliləyiş əldə olunduğunu bəyan etmişdi. Amerika liderinin sözlərinə görə, o, hər iki tərəflə təmasdadır.