“Ulduz” jurnalının noyabr-dekabr sayı dərc olunub.

Adalet.az xəbər verir ki, ilin son “Ulduz”unda Məhsəti Musanın “Özüylə söhbəti və reportajı” yer alıb.

Jurnalın “Şeir vaxtı” rubrikasında Elşən Mehdi, Vasif Zöhraboğlu, Təranə Dəmir, Pərviz Arif, Elvin Paşa və Süleyman Abdullanın şeirləri verilib.

“Nəsr” rubrikasında Orxan İsmayılovun “Keçib gedənlər”, Xatirə Salahzadənin “Qırmızı saat”, Səma Muğannanın “Kabusların bulud parçası” hekayələri dərc olunub.

Bu nömrədə Qulu Ağsəsin ““Altı və sıfır”dan sonra extra time” essesi oxuculara təqdim olunub.

Şahanə Müşfiq “Zəfər yolları” kitabının müəllifi Zemfira Məhərrəmlinin yaradıcılıq dünyasından söz açıb.

“Tərcümə saatı”nda Marina Svetayevanın şeirləri və Məmməd Məmmədlinin ispan dilindən tərcüməsində “Heminqueyə görə həyat” yazısı verilib.

“Tribuna” rubrikasında Cəlil Nağıyevin “Bir Bosniya Sevdalinkası: “Həsən Ağanın xanımı”, Şəbnəm Məmmədovanın “Ömrünü elmə və nəzəri tənqidə həsr etmiş atam”, Babək Abbaszadənin “Məsud Pənahi yaradıcılığı və Azərbaycan animasiyasının intiharı” yazıları yer alıb.

Elxan Zalın “Sevgilər fontanı”, Narıngül Nadirin, Cavid Fərzəlinin, Elçin Səlimlinin şeirləri, Mina Rəşidin hekayələri, Nəvai Mətnin “Dünya bir ev kimidir” yazısı da bu sayda işıq üzü görüb.

“Dərgidə kitab” rubrikasında İmir Məmmədlinin “Sazlı-sözlü Sibir: Simusid” əsəri, “Dərgidə sərgi”də isə rəssam Anar Zahirovun “Ulduz”a həsr etdiyi dostluq şarjları təqdim olunub.