"Ürək-damar xəstəlikləri bu gün də qlobal miqyasda ən aktual sağlamlıq problemlərindən biridir. Təəssüf ki, bu gün tanınmış, istedadlı sənətkarımız Cabir İmanov qəfil ürək tutmasından dünyasını dəyişdi".

Adalet.az xəbər verir ki, bunu ürək-damar cərrahı, deputat Rəşad Mahmudov deyib.

Onun sözlərinə görə, bu acı hadisə bir daha göstərir ki, gənc və sağlam görünən insanlar belə ürək-damar xəstəliklərinin təhlükəsi altındadır. 

"Ona görə hər bir kəs üçün mütəmadi tibbi müayinələr, sağlam həyat tərzi, zərərli vərdişlərdən uzaq durmaq, şəkərli diabet və təzyiq kimi risk faktorları ilə mübarizə həyati əhəmiyyət daşıyır".