Müğənni Nura Suri uşaqların manipulyasiya vasitəsinə çevrilməsinə etiraz edib.

Adalet.az xəbər verir ki, sənətçi bununla bağlı sosial şəbəkədə yazıb. O, uşaqların danışdırılaraq, ağladılaraq videoya çəkilməsini və təxribat xarakterli suallarla sarsıdılmasını tənqid edib:

“Kişilərin qız uşaqlarını manipulyasiya alətinə çevirməsi çox pis təsir bağışlayır. Uşaqları danışdırıb, ağladıb videoya çəkərək paylaşırlar. Təxribat xarakterli suallar verib onları sarsıdırlar, travma yaşadırlar. Uşaqları alətə çevirməyin. Öz sözlərinizi onların dilindən səsləndirməyin. Övladlarınızı necə tərbiyə etdiyinizə qarışmaq haqqımız yoxdur. Amma uşaqlardan istifadə edib onlara travma yaşatdığınız zaman bu, yalnız sizin şəxsi məsələniz olaraq qalmır. Belə davranışınızla insanların sərt reaksiyasına və həmin uşaqları qorumaq üçün müdaxilə etməsinə özünüz əsas yaradırsınız".