Rusiyadan Xankəndiyə köçən erməni biznesmen Ruben Vardanyan 4 noyabrdan etibarən qondarma qurumun "dövlət naziri" vəzifəsinə təyin edildi.

Artak Beqlaryanın kürsüsünü ələ keçirən rusiyalı milyarder bütün “xidmətləti” ilə Rusiyanın Qarabağdakı planlarını həyata keçirdiyini təsdiqləyir. İşə başladığının 1 həftəsi tamam olmamış qondarma qurumun “ərazi idarəetmə və infrastruktur naziri” vəzifəsində çalışan, ”Nikolun həmyerlisi “ kimi tanınan Ayk Xanumyanı işindən uzaqlaşdırdı.
Maraqlıdır ki, ekspertlərin proqnozlarında deyildiyi kimi, Vardanyan ilk öncə özünə komanda qurmağı Nikolpərəstləri Qarabağdan uzaqlaşdırmaq planlarını işə saldı.

Təbii ki, Ermənistan Baş naziri Nikol Paşinyandan incimiş, yüksək vəzifəsindən atılmış xeyli insan var ki, bu dəfə gözlərini Ruben Vardanyana yönəltdi
Adalet.az erməni mediasına istinadən xəbər verir ki, 1998- 2008-ci illərdə Ermənistanın xarici işlər naziri olmuş, Suriyanın Hələb şəhərində 1955-ci ildə doğulmuş Vardan Oskanyan Azərbaycana məxsus olan Qarabağda separatçıların “dqr”adlı qondarma qurumunda təmsil olunmaq istəyini dilə gətirib. Hələlik “dövlət naziri” məsələ haqqında heç bir fikir bildirməyib.

Qeyd edək ki, bir neçə gün əvvəl Ermənistanın keçmiş baş prokuroru Artur Davtyan Xankəndidəki separatçı rejimdə “vəzifə” tutmaq istəyini mediaya sızdırmışdı. Media bildirir ki, Davtyan 6 illik səlahiyyət müddətinin baş çatması səbəbilə vəzifəsindən gedib.

P.S. Çaqqalların sevinci CANAVARlar gələnə qədərdir...

Əntiqə Rəşid