"Vəfat edən şəxsin sığorta məbləğinin ailəsinə verilməsini könüllü sığorta qüvvəyə minəndən sonra, yəni, özəl pensiya fondları yaranandan sonra könüllü müqavilə əsasında etmək olar".

Bunu Milli Məclisin Əmək və sosial siyasət komitəsinin sədri, deputat Musa Quliyev deyib.

Komitə sədri bildirib ki, indiki halda Dövlət Sosial Müdafiə Fondu bunu edə bilmir: 

"Bunu etsə, fondun maliyyə imkanları tükənə bilər. Çünki bu gün işlədiyimiz dövrdə əməkhaqqımızdan tutulan sığorta haqları gələn ay pensiyaçılara verilir. Alternativ olaraq bu məsələ gündəlikdə var, hökumət üzərində işləyir. Özəl pensiya fondları yarananda bu imkanlar ola bilər".