Venesuela hakimiyyəti prezident Nikolas Maduronun harada olduğunu bilmir və ABŞ-dən onun sağ olduğunu sübut etməyi tələb edir.

Adalet.az xəbər verir ki, bu barədə Venesuelanın vitse-prezidenti Delsi Rodriges dövlət televiziyası ilə çıxış edib. 

O, Nikolas Maduronun və həyat yoldaşının harada olduğunun məlum olmadığını və prezident Trampdan onların sağ olduğuna dair sübut təqdim etməyi tələb edib. 

***13:27

Venesuela prezidenti Nikolas Maduronun harada olduğu hələ də məlum deyil, amma onun silahdaşları təhlükəsiz yerdədir.

Adalet.az xəbər verir ki, bu barədə “The New York Times” qəzeti mənbələrə istinadən yazıb. 

Qəzet qeyd edir ki, Maduronun yaxın çevrəsi təhlükəsiz yerlərə köçürülüb, lakin ondan xəbər yoxdur. 

Xatırladaq ki, ABŞ Venesuelanın paytaxtı Karakas şəhərinə hava hücumları həyata keçirib. Hücum təxminən 25 dəqiqə davam edib.