“Ermənistan Müdafiə Nazirliyi Hindistandan alınan yeni silahlarıa aid material yayımlayıb.Videoda Hindistanda istehsal olunan 155 mm/39 kalibrli MArG artilleriya topları (Bharat Forge / Kalyani Group), 155 mm ATAGS (Qabaqcıl Yedəkli Artilleriya Silah Sistemi) artilleriya sistemləri və 214 mm "Pinaka" yaylım atəşli reaktiv sistemi göstərilir”.

Adalet.az xəbər verir ki, bunu hərbi ekspert Ədalət Verdiyev deyib. 

O, bildirib ki, sual yaranır sülh sazişi imzalamağa hazırlaşan Ermənistan bu silahları hansı məqsədlə əldə edir?

“Bu silahlar birmənalı şəkildə sülh sazişinin imzalanmasına mənfi təsir göstərəcək. Hindistanın 21 min fərariyə malik Ermənistana silah ötürməsi Cənubi Qafqaza çoxdan gözlənilən sülhə mane olacaq, cunki bu təchizat yenidən münaqişənin alovlanmasına, ardınca isə Hindistan silahlarının da növbəti paradların birində hərbi qənimət kimi Ali Baş Komandan İlham Əliyevə təqdim olunmasına və Hərbi Qənimətlər Parkının eksponatına çevrilməsinə səbəb ola bilər. Sonda Xəzər sahilində gəzməyə yer qalmayacaq”, - deyə o, bildirib.

Vasif ƏLİHÜSEYN