adalet.az header logo
  • Bakı 11°C
24 Yanvar 2022 14:15
540
GÜNDƏM

YABAYLA DOVĞA İÇDİM, HEÇ BELƏ BİR YALAN GÖRMƏMİŞDİM

Hansısa saytda  oxudum, onlar da  erməni mənbələrinə  əsaslanıblar, deməli, İrəvanda  deyəsən  Baqdasaryan adlı bir  taksi sürücüsü görüb ki, sərnişinləri azərbaycanca danışırlar, qorxub. Özü də bu xəbərdən  bütün Ermənistan qorxub. Hətta İrəvandakı  ermənilər bundan sonra  evlərini  satlığa  çıxarıblar.

Deməli,  taksi sürücüsü  maşını  saxlayıb,  polis çağırıb. Polis də gəlib  sərnişinlərin sənədlərini  yoxlayıb, məlum olub ki,  hər iki sərnişinin  pasportuna azərbaycanlı  yazılıb.

Amma day həmin  azərbaycanlıların  sonrakı taleyi haqqında məlumat yoxdu.

İrəvanda taksiyə Azərbaycan dilində  danışan adamlar minə bilər, çünki İran azərbaycanlıları İrəvanı  su yoluna  döndəriblər.  Bu da elə yaxşıdı. Amma İran azərbaycanlılarının pasportuna «azərbaycanlı» yazılmır, «İran vətəndaşı» yazılır.

Ola bilsin  azərbaycanca danışanlar  Türkiyə azərbaycanlıları  olsun, çünki  türklərin də İrəvana  gediş-gəlişi var. Amma Türkiyədə də pasportlara «azərbaycanlı» yazılmır, «türk» yazılır.

Belə yalan  xəbərlərlə  nə demək istəyirsiz, dostlar? Beş-on İP-dən  ötəri  camaatı niyə çaşdırırsız və sonra da deyirsiz ki, mətbuata  inanmırlar.

Belə bir xəbər iki-üç ay öncə də  çıxmışdı ki, azərbaycanlılar Xankəndində mağazaya giriblər  alver etməyə.