Zelenski: Hamı Türkiyədə Putinlə görüşə hazırdır

Ukrayna Prezidenti Volodimir Zelenski mayın 15-də Ankarada Rusiya Prezidenti Vladimir Putinlə Türkiyədə keçiriləcək mümkün görüşdən nəticə gözləyir.
Adalet.az Ukrayna KİV-ə istinadən xəbər verir ki, bunu V.Zelenski mətbuat konfransında bildirib.
Onun sözlərinə görə, əsas nəticə müharibənin başa çatması və buna doğru ilk addım atəşkəsin əldə olunmasıdır.
"Gəlin bunu edək. Mən Türkiyədə olacağam. Prezident Ərdoğan (Türkiyə Prezidenti Rəcəb Tayyib Ərdoğan) olacaq. Hamı Rusiya lideri ilə görüşə hazırdır – istər Ankarada, istər İstanbulda. Üstəlik, bu, onun təşəbbüsü olub", - V.Zelenski qeyd edib.
O bildirib ki, Rusiyadan birbaşa danışıqlarla bağlı siqnal daxil olub. Eyni zamanda, ABŞ Rusiya və Ukrayna liderləri arasında dialoqun başlanmasını dəstəkləyib. V.Zelenski Vaşinqtonun ideyasını dəstəklədiyini qeyd edib, "çünki Kiyev müharibənin başa çatması üçün bütün yolları dəstəkləyir". Ukrayna Prezidenti vurğulayıb ki, əgər Putin atəşkəsə hazır olduğunu ifadə etsə, bu "müharibənin başa çatmasının bütün digər elementlərinin müzakirəsi üçün yol açacaq".
Ukrayna Prezidenti vurğulayıb ki, əgər Putin atəşkəsə hazır olduğunu bildirsə, bu, "müharibənin başa çatmasının bütün digər elementlərinin müzakirəsinə yol açacaq".
Digər Xəbərlər

ABŞ-nin xüsusi elçisi: Putin danışıqlarda iştirak edərsə, Tramp da İstanbula gedəcək

Saakaşvilinin oğlu ABŞ-yə getdi

ABŞ və Səudiyyə Ərəbistanı 600 milyard dollarlıq sazişlər paketi imzalayıb

Trampla Şara sabah görüşəcək?

İran Xəzər dənizi məsələləri üzrə xüsusi nümayəndə TƏYİN ETDİ

Ərdoğan: NATO Rusiya-Ukrayna müharibəsində tərəfə çevirilməməlidir

Türkiyə sadiq müttəfiqdir - NATO-nun Baş katibi
