....Elə bir adam yoxdur ki, xəstəxanaya gedib, həkimə özünü müayinə və müalicə etdirməsin!  Və bizim də  millət həkim o vaxt gedir ki, ya ağır vəziyyətdə olur, ya da can verir.Bax hələ də  biz öz sağlamlığımız üçün  yetərincə düşünmürük. Bir yerimiz ağrayanda  günü- günə satırıq və gözləyirik ki, hansısa, qohumumuz  bizə xəstəxanaya aparacaq...

Elə sözü çox uzatdım və kimlərinsə, babalın  yudum. Görünən odur ki, bəzilərimiz elə bilirik, həkim nə  qədər çox dərman yazsa, bir o qədər tez  sağalarıq. Amma bu, heç də belə deyil. Çoxlu dərman yazan həkim sadəcə olaraq görür ki, ondan əl çəkmir və axırda da  xəstənin  istədiyi dərmanları yazır. Bəzi həkimlər isə lazım oldu- olmadı, çoxlu sayda dava- dərman yazır. Nə isə...

Bir dəfə Füzulidə tanınmış həkim  Soltan Əliyevin yanında idim. Gördüm ki, xəstə ondan əl çəkmir, elə hey deyir ki, Soltan həkim, mənə çoxlu dərman yaz! Axı, Soltan həkim də savadlı , vətənpərvər insandı. O, xəstəyə dedi ki, ana sənin heç bir dərmana ehtiyacın yoxdur. Bir az meyvədən, göydən- göyərtidən yeyərsən, zəifliyin aradan qalxar. Həkimin bu sözləri xəstəni  razı salmadı. Soltan həkim gördü ki, pasiyent ondan narazı gedir narahat oldu. Dedi ki, xanım, yaxşı dərman yazıram,amma Allaha and olsun sənin bu dərmanlara da ehtiyacın yoxdu. Əlaçı kəsilən həkim o xəstəyə vitaminlər toplusu yazdı. Resepti əlinə alan qadının üzü güldü və həkimin otağından razı çıxdı...  

Mən dəfələrlə tibb elmlər namizədi, kardioloq Rafiq Yusiflinin də bir dost kimi yanında olmuşam. Rafiq həkimin qəbuluna gələn  pasiyentlər də  çoxlu dərman yazmasını  xahiş edirlər. Amma Rafiq həkim öncə həmin xəstələrə hər mətləbi incəliyinə  qədər izah edir və pasiyentlər də onun səmimi söhbətindən  nəticə çıxarırlar. Yeni, həkim xəstəni inandıranda istər- istəməz  onunla razılaşmalı olur. Rafiq həkim ən yaxşı halda  pasiyentə iki- üç dərman yazar! Və bir də Rafiq həkimin xəstələri ona çox inanır. Ən azından ona görə ki, bu həkim öz xəstələrinin  ürəyini fəth edib.

Bax, bu səmimiyyət  görən  , Rafiq həkimə  , xəstələr demirlər ki,  həkim, mənə çoxlu dərman yaz!  Və bir də hər bir insan özünün həkimi olmalı, sağlamlığının qədrini bilməlidir!!!