7 ay ərzində Pamukkaleni 1 milyon 700 min turist ziyarət edib
![](https://adalet.az/uploads/img/posts/2024/09/04/26jpg-1725449471.jpg)
2024-cü ilin yanvar-avqust ayları arasında Türkiyənin məşhur Pamukkale kurortunu 1 milyon 700 min turist ziyarət edib.
Adalet.az xəbər verir ki, UNESCO-nun Dünya İrs Siyahısında yer alan Pamukkale şəhəri ağ travertenləri, Hierapolis antik şəhəri və Kleopatra hovuzu ilə ziyarətçilərinin diqqətlərini cəlb edir. Pamukkale xarabalıqları dünyanın hər yerindən ziyarətçiləri cəlb etməyə davam edir.
Şəfalı termal suları və antik şəhəri ilə məşhur olan Pamukkale şəhəri 2023-cü ildə 1 milyon 512 turistə ev sahibliyi edib.
Qeyd edək ki, Pamukkale şəhərini bu il ziyarət edən turistlərin sayı keçən ilin eyni dövrü ilə müqayisədə 12 faiz artaraq 1 milyon 700 minə çatıb.