ABŞ-də İranla hərbi münaqişə fonunda benzinin bir qallonunun (3,79 litr-red) qiyməti yenidən 4 dollara yüksəlib.

Adalet.az xəbər verir ki, bu barədə ABŞ-nin Milli Avtomobil Assosasiyası (AAA) məlumat yayıb.

Assosiasiyanın məlumatına görə, iyulun 20-nə olan vəziyyətə əsasən, “Regular” (Standart) markalı adi benzinin bir qallonunun orta qiyməti 4 dollar təşkil edir. Dizel yanacağının bir qallonunun qiyməti isə 5 dollar həddini keçərək 5,1 dollara çatıb. Müqayisə üçün qeyd edək ki, iyulun əvvəlində benzinin bir qallonu 3,84 dollara, dizel yanacağının bir qallonu isə 4,81 dollara satılırdı.

Ən yüksək satış qiyməti Kaliforniya ştatında qeydə alınıb. Burada bir qallon benzinin qiyməti 5,49 dollara çatıb. ABŞ-nin bütün qərb sahili boyunca, həmçinin Alyaska, İllinoys, Nyu-York və Pensilvaniya ştatlarında da benzinin qiyməti ölkə üzrə orta göstəricidən xeyli yüksəkdir.