Rusiyanın ilk xərçəng əleyhinə dərmanı klinik sınaqların birinci mərhələsini uğurla başa vurub, onun təhlükəsizliyi və effektivliyi təsdiqlənib.

Adalet.az xəbər verir ki, bu barədə Kimyəvi Biologiya və Fundamental Tibb İnstitutundan (ICBFM) SB RAS məlumat yayıb. 

Dərman Rusiya Elmlər Akademiyasının Sibir Bölməsinin Kimyəvi Biologiya və Fundamental Tibb İnstitutunun, Rospotrebnadzorun Vektor Mərkəzinin və Onkostarın mütəxəssisləri tərəfindən hazırlanıb. Alimlər dərmanın geni dəyişdirilmiş onkolitik virus əsasında yaradıldığını qeyd ediblər.

Tədqiqatın birinci mərhələsində alimlər dərmanın təhlükəsizliyini, dözümlülüyünü və farmakokinetik parametrlərini qiymətləndiriblər. Sınaqlar təhlükəsizliyi və məmə şişlərinin böyüməsini dayandırmaqda effektivliyini təsdiqlənib.