Almaniyada yaşayan azərbaycanlı yazıçı Əzimə Ağalarovanın yeni əsəri çap olunub. Əsər “Bir qadının anatomiyası”  adlanır.  Bu, yazıçının  sayca səkkizinci kitabıdır. Müəllifin bütün əsərlərində olduğu kimi bu əsərində də insan faktoru önə çəkilir. Bütün çətinliklər və maneələrə rəğmən humanizmin mövcudluğu, güclü qadının yaşadığı keçilməz çətinliklər əsərdə olduqca aydın şəkildə yer alıb.

Ədib əsərlərində daha çox bellestrika janrına müraciət edib.

Müəllifin bundan əvvəl “Gecələrdə gizli qaldım”, “Bakıdan Qahirəyə və Stokholma uzanan yol”, “Təyyarə qanadında uçan ruh", “Tükənmiş xəyalların izində”, “Ağlayan Divar",“ Bir qadının anatomiyası”. Bakıdan Qahirəyə və Stokholma uzanan yol romanı İsveçdə 2016-cı ildə ingilis dilində, 2019-cu ildə İsveç dilində dərc olunub. “Tükənmiş xəyalların izində”, “Ağlayan Divar” əsəri isə Türkiyədə işıq üzü görüb. 

Qeyd edək ki, yazıçı əsərlərini yazmaq üçün həmin əsərlərdə adı keçən bütün ölkələri gəzib, görərək, hiss edərək yazıb. Səyahət etdiyi ölkələrin qayda-qanunları və mədəniyyəti ilə yaxından tanış olub. O, dünyanın 45 ölkəsinə səyahət edib. Beş dil bilir. Əsərləri dörd dildə üç ölkədə çap olunub.

ƏNTİQƏ KƏRİMZADƏ