Türkiyənin İstanbul, Ankara və İzmir şəhərlərində aksiyalara qadağa qoyulub.

Adalet.az xəbər verir ki, bu barədə Türkiyə mətbuatı məlumat yayıb. 

Şəhərlərin valiliklərindən bildirilib ki, İstanbulda 19-23 mart tarixlərində, Ankara və İzmirdə isə 21-25 mart arasında profilaktik hüquq-mühafizə tədbirləri çərçivəsində cinayət tərkibli əməllərin qarşısının alınması və ümumi ictimai asayişin yaradılması məqsədi ilə qapalı və açıq yerlərdə yığıncaqlar, nümayiş yürüşləri, press-relizlər, çadır qurmaq, tribunaların açılması, oturaq aksiyalar, imzatoplama kampaniyaları və bu kimi aksiyaların və tədbirlərin keçirilməsi, habelə afişaların asılması qadağandır.

"Qeyd olunan əmr və qadağalara əməl etməyən şəxslər barəsində müvafiq qanunvericilik çərçivəsində zəruri məhkəmə və inzibati prosedurlar həyata keçiriləcək", - deyə açıqlamada qeyd olunub.