adalet.az header logo
  • Bakı 11°C
  • USD 1.7
06 Iyun 2023 12:10
2715
TEXNOLOGİYA

Apple-dan şok yeni cihaz gəlir

İndiyə qədər çox "Virtual Reallıq" cihazı çıxmışdı, amma dünən Apple yeni VR cihazı ilə bu texnologiyanın gələcəyinə yön verəcək bir addım atdı. Apple Vision Pro təqdim edildi. Cihaz sanki "Black Mirror" serialından çıxıb...

Çox funksional və bir o qədər də baha olan cihazın qiyməti 3500$-dır. Vision Pro 12 kamera, 5 sensordan aldığı datalarla ətrafınızı həm virtual reallığa çevirə bilir, həm də fiziki real dünyanıza virtual obyektlər əlavə edərək onları izləməyə, dəyişdirməyə icazə verir.   

Cihazın ön hissəsində monitor var, şəffaf deyil. Amma istəsəniz sizin gözləriniz o monitorda əks etdirilir, istəməsəniz sadəcə bağlayırsınız. Kompüterdə, telefonda, planşetdə - bu cihazların bütün funksionallığı Apple Vision Pronun içərisində istifadə edilə bilir. Həm də eyni zamanda bir neçə işi bir yerdə görə biləcək formada.

Açılan virtual pəncərələri əl hərəkətlərinizlə əlavə vasitə olmadan idarə edə biləcəksiniz. Səslə idarə etmək də mümkün olacaq. Açılan pəncərələrin kölgələri, işğı və əksi real fiziki həyatda gördüyünüz hissələrə düşəcək. Bütün apple cihazlarına qoşulmaq olacaq.

 

Emin