"Telegram"ın Android tətbiqinə veb-proksi əlavə edilib.

Adalet.az xəbər verir ki, bu barədə ixbt.com məlumat yayıb.

Web-proksi mesencerin trafikini veb-kanal üzərindən yönləndirməyə və onu veb-resurslarla adi bağlantı kimi maskalamağa imkan verir. Bunun sayəsində şəbəkə filtrləmə sistemləri "Telegram"a müraciətləri saytların ziyarəti zamanı yaranan standart trafikdən ayırmaqda daha çox çətinlik çəkir.

Belə mexanizm, xüsusilə, bağlantı növlərinin və "Telegram" trafikinə xas əlamətlərin təhlilindən istifadə etməklə bloklamanın tətbiq edildiyi hallarda messencerin şəbəkə məhdudiyyətlərinə qarşı davamlılığını artıra bilər.

Adi proksidən fərqli olaraq, veb-proksinin əsas xüsusiyyəti ötürülən trafikin adi veb-trafik kimi maskalanmasıdır. Oxşar mexanizm artıq "Telegram"ın masaüstü tətbiqində də tətbiq edilib.