Həyat yoldaşına və qızına şiddət göstərən Elnur Məmmədov barəsində məhkəmənin qərarı ilə 3 ay müddətə həbs qətimkan tədbiri seçilib.

Adalet.az xəbər verir ki, bu barədə DİN-in Mətbuat xidmətindən bildirilib.

Qeyd edək ki, Bakı şəhəri Türkan qəsəbəsi sakini, 1983-cü il təvəllüdlü Elnur Məmmədov əvvəlcə həyat yoldaşını, daha onra isə azyaşlı qızını təhqir edərək döyüb. Ana həmin ananın görüntülərini videoya çəkərək kömək istəyib. 

*** 11:40

Azyaşlı övladına qarşı zorakılıq edən Bakı sakini Elnur Məmmədova qarşı cinayət işi açılıb.

Bu barədə Adalet.az-a Daxili İşlər Nazirliyindən bildirilib.  

"Görüntülər araşdırılıb. Əməlin Bakı şəhəri Türkan qəsəbəsi sakini 1983-cü il təvəllüdlü E. Məmmədov tərəfindən törədildiyi müəyyən olunub. Fakta görə Cinayət Məcəlləsinin müvafiq maddəsi ilə cinayət işi başlanılıb. E.Məmmədov şübhəli şəxs qismində saxlanılıb. Araşdırmalar davam etdirilir", - açıqlamada deyilir.