Aşura günü münasibətilə ölkənin müxtəlif şəhər və rayonlarında qanvermə aksiyaları təşkil olunacaq.

Adalet.az xəbər verir ki, bu barədə Qafqaz Müsəlmanları İdarəsi (QMİ) məlumat yayıb.

Məlumatda bildirilib ki, məhərrəmlik dönəmində keçirilən önəmli tədbirlərdən biri olan Aşura günü qanvermə aksiyası Kərbəla şəhidlərinin xatirəsinə həsr olunur. Qeyd edilib ki, bu təşəbbüs müqəddəs dinimizə layiq olan ən münasib əzadarlıq nümunələrindən biri hesab edilir və bilavasitə Qafqaz Müsəlmanları İdarəsinin təşəbbüsü, eləcə də Səhiyyə Nazirliyinin birgə təşkilatçılığı ilə həyata keçirilir.

QMİ-nin açıqladığı siyahıya əsasən, qanvermə aksiyası aşağıdakı ünvanlarda baş tutacaq:

Xəzər rayonu – Mirmövsüm Ağa Ziyarətgahı

Nəsimi rayonu – Əjdərbəy məscidi (Göy məscid)

Nizami rayonu – “Sahib-əz-Zaman” və “Şah Abbas” məscidləri

Səbail rayonu – “Bibiheybət” məscid ziyarətgahı

Sabunçu rayonu – “İmam-Rza” məscidi

Suraxanı rayonu – “Qaraçuxur” məscidi

Yasamal rayonu – “Təzə Pir” məscidi və İlahiyyat İnstitutu

Binəqədi rayonu – Came məscidi və “İmam Əli” məscidi

Gəncə şəhəri – “İmamzadə” məscid ziyarətgah kompleksi

Lənkəran – Mərkəzi Qan Bankının Lənkəran bölməsi

Mingəçevir – “Heydər” məscidi

Sumqayıt – “Cümə” məscidi

Şəki – “İmam Əli” məscidi

Şirvan – Şirvan şəhər məscidi

Bərdə – “İmamzadə” ziyarətgah məscidi

Quba – Mərkəzi Qan Bankının Quba bölməsi

Masallı – “Cümə” məscidi və Boradigah qəsəbə xəstəxanası

Göyçay – “Əbülfəzlil Abbas” məscidi

Xaçmaz – Rayon Mərkəzi Xəstəxanası

Salyan – “Hacı Tağı” məscidi

Şuşa – “Yuxarı Gövhər ağa” məscidi

Ağdam – Ağdam şəhər “Cümə” məscidi

Naxçıvan şəhəri – “Heydər”, Sarvanlar və Pirqəmiş məscidləri

Babək – Mərkəzi Rayon Xəstəxanası, Qahab, Cəhri və Nehrəm kənd həkim məntəqələri

Ordubad – Rayon Mərkəzi Xəstəxanası

Culfa – Rayon Mərkəzi Xəstəxanası və Bənəniyar kənd həkim məntəqəsi

Şahbuz – Rayon Mərkəzi Xəstəxanası

Kəngərli – Rayon Mərkəzi Xəstəxanası

Sədərək – Rayon Mərkəzi Xəstəxanası

Şərur – Rayon Mərkəzi Xəstəxanası

Qeyd edək ki, Aşura günü keçirilən qanvermə aksiyaları hər il yüzlərlə ehtiyacı olan xəstənin müalicəsinə dəstək məqsədi daşıyır və cəmiyyət tərəfindən yüksək rəğbətlə qarşılanır.