2026/2027-ci tədris ili üzrə Bakı Dövlət Universitetinə (BDU) qəbul olaraq tələbə adını qazananlar arasında Azərbaycanın ərazi bütövlüyü uğrunda həlak olan şəhidlərimizin övladları da var.

Adalet.az xəbər verir ki, 4 şəhid övladı BDU-da ali təhsil alacaq.

Şəhid mayor Sənan Zamanovun övladı Fidan Zamanova BDU-nun Beynəlxalq münasibətlər və iqtisadiyyat fakültəsinin “Dövlət və ictimai münasibətlər” ixtisasına qəbul olub.

Şəhid baş gizir İlkin Süleymanovun övladı Nuray Mahirzadə BDU-nun Filologiya fakültəsində “Filologiya (Azərbaycan dili və ədəbiyyatı)” ixtisası üzrə əyani təhsil alacaq.

Şəhid baş leytenant Mixail Həmidovun övladı Mədinə Həmidli BDU-nun Beynəlxalq münasibətlər və iqtisadiyyat fakültəsinin “Beynəlxalq münasibətlər” ixtisasına qəbul olub.

Şəhid polkovnik-leytenant Vidadi Xəlilovun övladı Zəhra Xəlilzadə də Beynəlxalq münasibətlər və iqtisadiyyat fakültəsinin “Beynəlxalq münasibətlər” ixtisasında əyani təhsil alacaq.