adalet.az header logo
  • Bakı 4°C
  • USD 1.7
23 Noyabr 2022 12:48
590
MARAQLI

BİZİM PAYIMIZA ÇATASI OLUB,

TƏSƏLLİ BİR QAŞIQ, ÜMİD BİR QAŞIQ 

Hətta ili də yadımdan çıxıb. Bir ara camaatı sevindirdilər ki, respublikanın var-dövlətindən, mal-mülkündən hamıya pay düşür.

Yenə yadımdan çıxıb, deyəsən adam başına iki, ya dörd dənə özəlləşdirmə çeki verirdilər. Həmin vaxt çeklərin qiyməti qalxdı 50 dollara. Camaatın bir parası başa düşdü ki, ölkənin var-dövlətindən, mal-mülkündən onlara pay düşəcəyi Təhmasibin yazdığı «Azərbaycan nağılları»dı. Apardılar bazarda satdılar, müəyyən oliqarxlar da həmin çekləri yığdılar, sonra da ölkənin var-dövlətini, mal-mülkünü həmin mənasız çeklərin adı ilə keçirtdilər ələ, camaata da qoz düşdü, çürük qoz.

Bizə də vermişdilər, dostlar dedi ki, sat getsin, dedim satmıram, xatirə kimi saxlayacam. Amma sonra ermənilər Ağdamda xatirələrimi yandırdığı kimi, bizimkilər də bu xatirəmin içinə oturdular.