“Başqa ölkələrdən ingiliscə məktəblər açmağı tələb etmirlər.İngilis dilini ikinci dövlət dili elan edilməsi üçün təzyiq göstərmirlər.Nə edirlər əvəzində? Səssizcə elmlə məşğul olur, texnologiyaları inkişaf etdirir, Qalaktikamızın sərhədlərini aşaraq Kainatın sirlərini çözürlər”. 

Adalet.az xəbər verir ki, bunu Türkiyədə yaşayan məşhur jurnalist İbrahim Nəbioğlu deyib. 

“Gözəl filmlər çəkir, ingilis dilində tiraj rekordları qıran elmi, bədii kitablar yazırlar. Nəticədə nə baş verir?Bütün Dünya bu dili öyrənməyə çalışır. Həm də üstünə top-tüfəng yeridilmədən. Ehtiyacdan öyrənirlər bu dili. Biz nə edirik? Uşağım rusca danışsın deyə onu 11 il məktəbə göndəririk. Get, oxuma, təkcə “привет, до свидания” öyrən, yetər. Nə də olsa 150 balla universitetə girəcəksən… Dünya isə Elmin, Texnolojinin, Gələcəyin dilini öyrədir övladlarına. Amma Ana dilində 7 il oxuyandan sonra. Çünki Yaxşı Gələcək qurmaq üçün xəyal qurmalıdır uşaq.Uşaqlar isə xəyalları Ana dilində qurarlar”, - deyə o, bildirib.

Vasif ƏLİHÜSEYN