Bu gün Azərbaycanda bələdiyyə seçkiləri keçiriləcək.

Adalet.az-ın məlumatına görə,bələdiyyə seçkilərində 685 yer uğrunda 16 min 92 namizəd mübarizə aparacaq. 118 seçki dairəsi 8071 üzv seçiləcək.

Seçkilərdə 24 siyasi partiyanın nümayəndəsi namizəd kimi qeydə alınıb. Namizədlərin 8 min 504 nəfəri partiya mənsubiyyətli, 7 min 588 nəfəri isə bitərəfdir. 

Ümumilikdə 5 milyon 961 min 987 nəfər seçicinin səs verməsi üçün 5846 seçki məntəqəsi ( 5734 məntəqə daimi, 112 məntəqə isə müvəqqətidir) fəaliyyət göstərəcək.

Bələdiyyə seçkiləri Azərbaycanın azad olunmuş ərazilərində keçirilməyəcək.

Bələdiyyə seçkilərini 70 min 625 nəfər yerli müşahidəçi izləyəcək. Müşahidəçilərdən 26260-ı 24 siyasi partiya tərəfindən təqdim olunan müşahidəçilərdir.