"Son illərdə ilk dəfə olaraq büdcədə neftin ilkin qiyməti 70 dollar götürülüb. Qeyd etmək istərdim ki, izahatda əks etdirilmiş bu risk indikatoru üzrə narahatlığı biz də bölüşürük".

Adalet.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında Hesablama Palatasının sədri Vüqar Gülməmmədov deyib.

Palata sədri bildirib ki, büdcə qaydasında dəyişiklik edilməsinin yalnız ortamüddətli dövrün sonuna müəyyənləşməsi nəzərdə tutulub:

"2025-ci ilin dövlət büdcəsi layihəsinin təqdim olunan sənədlərində bəzi yeniliklərin tətbiq edildiyini göstərir. Əvvəlki ildən fərqli olaraq, makroiqtisadi göstəricilər və ssenarilər büdcə layihəsində əks etdirilməyib".