Cənubi Koreya süni intellektin (AI) təhlükəsiz istifadəsini tənzimləyən hərtərəfli qanun qəbul edən dünyada ilk ölkə olub.

Adalet.az xəbər verir ki, bu barədə "Yonhap" agentliyi məlumat yayıb.

"Süni intellektin inkişafı və etimad üçün təməlin yaradılması haqqında Əsas Qanun" adlı qanunvericilik aktı bu gün qüvvəyə minib.

Cənubi Koreya Elm Nazirliyi vurğulayıb ki, bu, müxtəlif qaydalardan götürülmüş qaydalar toplusu deyil, süni intellekti (AI) tənzimləyən dünyanın ilk hərtərəfli qanunudur.

Yeni qanun şirkətlərdən və süni intellekt inkişaf etdiricilərindən AI modelləri tərəfindən yaradıla biləcək dərin saxta məzmun və dezinformasiya ilə mübarizə aparmaq üçün məsuliyyət daşımalarını tələb edir və hökumətə cərimələr tətbiq etmək və ya pozuntularla bağlı araşdırmalara başlamaq səlahiyyəti verir.