Azərbaycanın igid oğlu Hidayət Heydərov tarix yazaraq olimpiya oyunlarında fransız rəqibinə qalib gəldi.

Bu, sadəcə bir idman uğuru deyildi; bu, milli dəyərlərimizin, əzmin və qətiyyətin zəfəri idi.

Hidayət Heydərovun üzündəki qətiyyət, gözlərindəki inam, hər zərbəsindəki güc bizim milli ruhumuzun parlaq təcəssümü idi.

Bu qələbə böyük bir xalqın birlik və güc simvolu olaraq yadda qalacaq.

Hidayətin zəfəri ilə Azərbaycan bayrağı bir daha zirvələrdə dalğalandı.

Onun hər bir hərəkətində biz milli dəyərlərimizin gücünü, xalqımızın iradəsini gördük.

Hidayət Heydərov bizə öyrətdi ki, milli dəyərlərimizə sadiq qaldıqca, hər bir çətinliyi aşacaq və hər zaman qalib gələcəyik.

Zirvəyə qalxan Hidayət öz zəfəri ilə hər bir Azərbaycan vətəndaşının qəlbində əbədi yaşayacaqdır.

Çünki o, Azərbaycanın adını daha da uca zirvələrə çıxaran parlaq ulduzudur.

Çox sağ ol, Bütöv Azərbaycanın ilk olimpiya çempionu!

Çox sağ ol, düşmənlərimizə bir dərs daha verən qızıl oğlan!

Hər şey üçün çox sağ ol, Hidayət!

Əli Hüseynov