"Bu qanun layihəsi Daxili Qoşunların gələcək fəaliyyətində xüsusi rol oynayacaq. Daxili Qoşunlar digər qoşunlardan fərqli olaraq çoxfunksiyalıdır".

Adalet.az xəbər verir ki, bunu Milli Məclisin bu gün keçirilən iclasında “Azərbaycan Respublikasının daxili qoşunları haqqında” qanun layihəsinin müzakirəsi zamanı deputat Siyavuş Novruzov deyib.

Deputat bildirib ki, ölkədə sabitliyin qorunmasında Daxili Qoşunların rolu əvəzsiz olub. S.Novruzov təklif edib ki, Daxili Qoşunların sosial təminatı qanunvericilikdə nəzərdə tutulsun.