“İki cür siyasət var: birinci realist, ikinci isə xəyali siyasət. Realist siyasət bizə deyir ki, Rusiya və Azərbaycan xoş münasibətlərlə yaşamağa məhkumdurlar. Qonşuyuq, müştərək tariximiz, əhalimiz, siyasi, mədəni, iqtisadi əlaqələrimiz var. Real siyasət deyir ki, biz normal münasibətlər qurmalıyıq”.

Bunu Adalet.az-a açıqlamasında politoloq Zərdüşt Əlizadə deyib. 

Politoloq bildirib ki, xəyali siyasətdə isə Rusiya bizim əbədi düşmənimizdir:

“Amma real siyasət indi öz gücünü göstərdi və iki dövlət arasındakı o anlaşılmazlıq tədricən addım-addım aradan qaldırılır. Rusiya dövlətində cani ünsürlər çoxdur, intizam zəifdir. Mən özüm iki il Hava Hücumlarından  Müdafiə     Qoşunlarında xidmət etmişəm. Bu sistem necə işləyir, əmrlər necə verilir, icra necə edilir hamısını yaxşı bilirəm. Ona görə də Azərbaycanın mülki təyyarəsinin Rusiya tərəfindən vurulmasının iki səbəbi ola bilər. Fövqəladə insafsızlıq və ya xəbis bir niyyət. Başqa cür ola bilməz”. 

Vasif ƏLİHÜSEYN