adalet.az header logo
  • Bakı 8°C
  • USD 1.7
02 Sentyabr 2022 22:05
961
LAYİHƏ

Demokratik Jurnalistlər Liqası yeni layihəyə start verir

Azərbaycan Demokratik Jurnalistlər Liqası İctimai Birliyinin Azərbaycan Respublikasının QHT-lərə Dövlət Dəstəyi Agentliyinin maliyyə dəstəyi ilə ”Maddi-mənəvi irsimizə sahib çıxaq!-ictimai müzakirələr” mövzusunda layihənin icrasına start verir. 

Layihə çərçivəsində dövlətimizin xüsusi önəm verdiyi maddi və mənəvi irsimizin tədqiq edilməsi və qorunmasına töfhə verilməsi məqsədilə silsilə televiziya müzakirələrinin “Səs” TV-nin studiyasında hazırlanaraq canlı yayımlanması və Youtube-da, digər sosial şəbəkələrdə yerləşdirilməsi nəzərdə tutulur.

Layihə müddətində Zəfərlə başa çatan 44 günlük Vətən müharibəsi nəticəsində işğaldan azad edilən torpaqlarda maddi və mədəni irsin qorunmasına həsr edilən müxtəlif mövzularda 5 televiziya verilişlərinin hazırlanaraq Səs internet televiziyasındayayımlanması və həmin televiziya verilişlərinin “youtube”da, digər sosial şəbəkələrdə yerləşdirilməsi həyata keçiriləcək. Eyni zamanda, Facebook sosial şəbəkəsində ötən layihələrdən fəaliyyət göstərən “Dövlətimizi qoruyaq və təbliğ edək” səhifəsində mövzu ilə bağlı ictimai forumlar təşkil ediləcək.

Layihənin məqsədi dövlətimizin xüsusi önəm verdiyi istiqamətlərdən biri olan maddi və mənəvi irsimizin tədqiq edilməsi və qorunmasına töfhə verilməsi məqsədilə silsilə televiziya müzakirələrini təşkil etməkdir.