Bu gecə futbol üzrə dünya çempionatında 1/4 final mərhələsinə start veriləcək.

Adalet.az xəbər verir ki, ABŞ-nin Foksboro şəhərində yerləşən Boston stadionunda Fransa və Mərakeş milli komandaları üz-üzə gələcəklər. Oyun Bakı vaxtı ilə saat 00:00-da başlayacaq.

Görüşün baş hakimi argentinalı Fakundo Telyo olacaq.

Bu raundun digər qarşılaşmalarında İspaniya Belçikanı, İngiltərə Norveçi, Argentina isə İsveçrəni sınağa çəkəcək.

Qeyd edək ki, ABŞ, Kanada və Meksikanın ev sahibliyi etdiyi dünya çempionatına iyulun 19-da yekun vurulacaq.