“Prezident İlham Əliyev Avropa Siyasi Birliyinin iclasında çıxış etməklə iştirak etmiş oldu. Ermənistan da keçirilən Avropa Siyasi Birliyinin sammitində prezident İlham Əliyev video formatla iştirak edərək, çıxış etdi. Avropa Siyasi Birliyinin sammitinə onlayn qoşulmaq da iştirak deməkdir. Bununla da prezident İlham Əliyev Ermənistanda Avropa Siyasi Birliyinin sammitini baykot etmədi. Bu iştirakın iki ölkə arasında sülhün olduğunu nəzərə çatdırdı”. 

Adalet.az xəbər verir ki, bunu politoloq Məhəmməd Əsədullazadə deyib. 

O, bildirib ki, bununla da Azərbaycanın sülhə sadiq olduğunu, Cənubi Qafqazda yeni siyasi münasibətlər sisteminin formalaşdığını mesajını verdi:

“Avropa Siyasi Birliyinin Cənubi Qafqazda sammitində Azərbaycan prezidentinin qatılması regionda ölkəmizin söz sahibi olması deməkdir. Demək olar ki, cənab prezident siyasi iradə ortaya qoyaraq Cənubi Qafqazla Avropa arasında əməkdaşlığın inkişafına töhfə vermiş oldu. Prezidentin sammitdə çıxışı Ermənistan televiziyalarında yayımlandı. Bu, iki ölkə arasında mövcud sülhün olduğunu və bu sülhü qoruyub saxlanmalı olduğunun vacibliyini ortaya qoydu”. 

Politoloq deyib ki,Prezidentin bu sammitdə çıxışından sonra Nikol Paşinyan 2028-ci ildə Azərbaycanda keçiriləcək Avropa Siyasi Birliyinin sammitində iştirak etmək üçün Bakıya gədəcəyini ümid etdiyini vurğuladı:

“Demək olar ki, Cənubi Qafqazda sülh var. Və bu il iki ölkə arasında sülh de-yure qüvvəyə minəcək. Avropa Siyasi Birliyinin sammitində Baş nazir Ə.Əsədov da çıxış edə bilərdi. Amma, özü bu sammitdə çıxış edərək sammitin gedişinə və Ermənistanda keçirilməsinə böyük dəstək verdiyini nümayiş etdirdi. Bu, N.Paşinyanın da mövqeyini gücləndirir və Qərbin bəzi ölkələri də gördü ki, iki ölkə arasında sülh yaranır”.

Vasif ƏLİHÜSEYN