“İnsan göylərdən gələn yolçudur; torpaqda izi qalır, yolu yox"

Gəlir dünyaya göylərdən,
Gözündən düşür torpağa.
İnsan sulardan yaranıb,
Sözündən düşür torpağa.

Başı buludları əzir,
Üzündən düşür torpağa.
Ayağı göylərdə gəzir,
Dizindən düşür torpağa.

İnsan, buralı deyilsən,
Cahanı tənqid eləmə.
Yüz illik qala bilmirsən,
Dünyanı tənqid eləmə.

Nə olub ki, insanlara,
Gedirlər ağıldan, ruhdan?
Dünyanı tənqid edirlər,
Dünya sapınmır yolundan 

Ceyhun Ağabəy