və yaxud 18 +  ŞERİ

Özünü tapıbdı izim  izində,
Gücünü  artırıb dizim dizində...
Gözüm gözündədi, üzüm  üzümdə -
Məni  bu yuxudan oyatma, Allah!

Ağac  yuxusudu, daş  yuxusudu,
Quru  yuxusudu, yaş  yuxusdu...
Bəlkədə  əbədi  qış  yuxusudu -
Məni  bu  yuxudan oyatma, Allah!

Əlim əl içində,  ruh ruha  bələk
Sinəmə saçların səribdi  mələk!..
Hətta unudubdu  özünü  fələk -
Məni  bu  yuxudan oyatma, Allah!

Günəşi  çaşdırıb Ayın işığı
Yığıb gözünüzə yayın, işığı!
Onun gözəlliyi  sayıb işığı -
Məni  bu yuxudan oyatma, Allah!

Dodağın tamından  bal  yalan olub.
Vücudun ətrindən gül talan olb...
Məni  bu  Cənnətə  bir  salan  olub -
Məni  bu yuxudan oyatma, Allah!

 Göyün altındayam, yerin sətində
Xoşbəxtlik    hakimdi    bütün  mətində!
Diləyi  tək  budu, Əbülfətin də -
Məni  bu yuxudan oyatma, Allah!