(Atamın və anamın ziyarətində)

Gəlmişdim sizi görməyə,

Susdunuz anamla, atam...

Dünyanın heç bir yerində -

Belə qarşılanmır adam...

Sarıldım baş daşınıza

Dedim, sizdən qalan odam...

Fırlandım mən başınıza -

Necə fırlanırsa adam...

Görən ruhunus duydumu

Nə qədər doğmayam, yadam?!.

Yanan qəlbiniz doydumu -

Mən köçdən qalan adamam

...Gəldim ağlayıb gedirəm

Göz yaşım qalır sizinlə...

Sizdən bir rica edirəm -

Hələlik...gedim izinlə!..