27 Noyabr 2023 11:48
977
SAĞLAMLIQ

“Əgər bu lokallaşdırılmasa, bütün ölkəyə...”- Pediatr qızılcayla bağlı həyəcan təbili çaldı...

Xəbər verdiyimiz kimi ölkəmizdə son zamanlar qızılca xəstəliyi uşaqlar və tələbələr arasında geniş yayılmaqdadır. 

Adalet.az-a açıqlamasında pediatr Vaqif Qarayev qızılca xəstəliyinin yayılma səbəblərindən danışıb:

“Qızılcadan qorunmağın yeganə yolu peyvənddir. Əgər bu xəstəliyə kimsə yoluxursa, deməli peyvənd olunmayıb. Bu bütün dünyada belədir. Əgər peyvənd yoxdursa, o ərazidə insanlar qızılcaya yoluxacaq. Bu xəstəlik lokal bir yerdə yayılıbsa, orda tələbə yaşlı gənclərdə bu xətəlik varsa, deməli onlar da peyvənd olunmalıdır. Peyvənd altına düşən yoluxucu xəstəliklərdə yeganə qorunma yolu peyvənddir. Əgər bu lokallaşdırılmasa, bütün ölkəyə yayılacaq. Əslində qızılca xəstəliyi pandemiyadan əvvəl də var idi və onda daha çox idi. Amma indi təcrid başlandı, məktəblər bağlandı deyə xəstəliyin qarşısı alındı. Pandemiyadan sonra isə xəstəlik yenidən geniş yayılmağa başladı. Hələ təkliflər var ki, məktəblər bağlansın”. 

Qeyd edək ki, bu gün Kürdəmirdə 7 məktəbdə şagirdlər atasında qızılca yayılıb və 9 nəfər xəstəxanaya yerləşdirilib.

Vasif Əlihüseyn