Türkiyə prezidenti Rəcəb Tayyib Ərdoğan bu gün nazirlər kabinetinin iclasını keçirəcək. 

Adalet.az xəbər verir ki, bu barədə Türkiyə mətbuatı məlumat yayıb. 

İclasda fevralın 6-da baş verən zəlzələlərin ikinci ildönümü ilə bağlı bölgədə atılan son addımlar müzakirə olunacaq.

“Terrordan azad Türkiyə” hədəfinə doğru atılan addımlar, Boludakı hotel yanğını, Suriyanın yeni rəhbərliyi və Qəzza ilə əməkdaşlığın artırılması da müzakirə ediləcək mövzular arasında olacaq.

PKK/YPG-nin Suriyadan təmizlənməsi və bölgənin yenidən qurulması üçün Dəməşqin yeni rəhbərliyinin atacağı addımlar dəyərləndiriləcək.

Nazirlər Kabinetinin digər gündəminin HƏMAS və İsrail arasında atəşkəs olacağı gözlənilir.

Digər tərəfdən, inflyasiya ilə mübarizə sahəsindəki inkişaflar və qiymət sabitliyinə nail olmaq istiqamətində atılan addımlar da müzakirə olunacaq.