Prezident Rəcəb Tayyib Ərdoğan Türkiyənin Qəzzada əldə olunan razılaşmanın icrasına nəzarət edəcək işçi qrupunda iştirak edəcəyini açıqlayıb.

Adalet.az xəbər verir ki, o, Türkiyənin atəşkəsin qorunması və humanitar yardımların çatdırılmasında fəal rol oynayacağını bildirib.

Ərdoğan Qəzzanın yenidən qurulması prosesinə beynəlxalq ictimaiyyətlə birlikdə dəstək verəcəklərini vurğulayıb.

Dövlət başçısı həmçinin ABŞ, Qətər və Misirin vasitəçilik səylərinə görə təşəkkür edib. Ərdoğan çıxışında Türkiyənin hər zaman Fələstin xalqının yanında olacağını da qeyd edib.