Ermənistan Teh (Sünik rayonu) kəndi yaxınlığında saxlanılan hərbçini Azərbaycana təhvil vermək qərarına gəlib.

Adalet.az xəbər verir ki, bu barədə Ermənistan Milli Təhlükəsizlik Xidməti məlumat yayıb.

“Ermənistanla Azərbaycan arasında azmış və qarşı tərəfə keçmiş hərbi qulluqçuların qısa müddətdə geri qaytarılması ilə bağlı əldə edilmiş razılaşmaya uyğun olaraq, Ruslan Pənahov Azərbaycan tərəfinə təhvil veriləcək", - deyə məlumatda qeyd edilir.

***

28 fevral 2024-cü ildə azaraq Ermənistanla şərti sərhədi keçən və ermənilər tərəfindən saxlanılan Ordumuzun hərbi qulluqçusu Ruslan Eldəniz oğlu Pənahovla bağlı Ermənistan İstintaq Komitəsi məlumat yayıb.

Adalet.az xəbər verir ki, E.Pənahovun azaraq Ermənistan ordusunun mövqeləri yaxınlığına gəlib çıxması təsdiqlənib.

Göstərilənlərə əsasən, Ruslan Pənahov haqda cinayət təqibinə xitam verilməsi barədə prokurora vəsatət verilib və o təmin edilib.