Hind kinosunun əfsanəvi ulduzu Rişi Kapurun doğum günüdür.  
Adalet.az xəbər verir ki, Rişi Kapur əfsanəvi hind kino xadimi – rejissor və aktyor Rac Kapurun oğlu idi. 

Sovet dönəminin gənclərinin həsədlə baxdığı hind filimlərinin əsas qəhrəmanlarından olan Rişi Kapur  4 sentyabr 1952-ci ildə  Hindistanın Bombay şəhərində anadan olub və ailəsi Hind-Punjabi icmasına mənsubdur. Aktyor Bollivud sülaləsinin üzvü, əfsanəvi aktyor-rejissor Raj Kapur və Krişna Kapurun  ikinci oğlu idi. 

Sevimli Çintu

Ailədə Çintu adlandırılan Rişi Kapurun ilk ciddi rolu atasının "Mənim adım Kloundur” filmində olub. Aktyor  ilk  böyük  uğurunu atası Rac Kapurun rejissoru olduğu "Bobbi” (1973) filmindəki rolundan sonra əldə edib. Rişi həmin il Hindistanda ilin aktyoru seçilib. Çintu adətən Hindistan kinosu üçün vacib olan romantik sevgili rollarını ifa edib.
Əsas rolu Raj adlı bir gənc, 16 yaşlı qız Bobbyə (aktrisa Dimple Kapadia) aşiq idi. Film Hindistanda böyük  tamaşaçı auditoriyası toplayan bir müvəffəqiyyət qazandı Rişi və Dimple ilin ən yaxşı aktyorları seçildi. Onların birgə fotoları hər yerdəydi. Məsələn, Sovet İttifaqında bir çox tamaşaçı "Bobby" sayəsində bu gənc hind  aktyoru ilə tanış oldular."Bobbi" filmindəki Rişi Kapurun yaratdığı romantik bir gəncin obrazı aktyorun sonrakı işlərində də uğur qazanmasına yol açdı.

1980-ci illərin sonlarında Rişi Kapur, rejissorlar Şaşi Kapur və Gennadi Vasilyevin birgə rejissoru olduğu "Ajubun Qara Şahzadəsi" filmində Sovet-Hindistan filmində rol aldı. Bu filmdə Rişinin ortaqları əmisi Şammi Kapur, Hindistanın məşhur sənətçiləri Amitabx Baççan və Dimple Kapadia, eləcə də məşhur sovet aktyorları Ariadna Şengelaya, Vyaçeslav Boqaçev, Tamara Yandiyeva idi.

Rişi 1980-ci ildə bir neçə filmdə işlədiyi aktrisa Neetu Singx ilə evləndi. Cütlüyün iki övladı var - oğul, aktyor Ranbir Kapur və qızı Riddhima Kapur Sahani.

Xəstəlik və ölüm

Rişi Kapurun səhhətində ağrılar 2015-ci ildən özünü biruzə verməyə başladı . Kapur 2018-ci ildə “Qan xərçəngi” diaqnozu ilə müalicə üçün Nyu York şəhərinə getdi. Bir ildən çox davam edən uğurlu müalicədən sonra Kapur  26 sentyabr  2019-cu ildə Hindistana qayıtdı. Kapur, nəfəs almaqda çətinlik çəkdikdən sonra 29 aprel 2020-ci ildə Mumbaydakı xəstəxanaya qəbul edildi. 
Uzun müddət “Qan xərçəngi”  xəstəliyindən əziyyət çəkən 68 yaşlı aktyor 2020-ci 30 aprelində Mumbay şəhərinin xəstəxanalarından birində vəfat edib. Yaşasaydı Hindistanın kino aləmi onun 69 yaşını qeyd edərdi.

Əntiqə Rəşid