Hizbullaha məxsus PUA-lar Bofor qalası və Zautar əş-Şərqiyyə qəsəbəsi yaxınlığında İsrail ordusuna hücum edərək, “Namer” tipli zirehli transportyor və bir “Merkava” tankını sıradan çıxarıb.

Adalet.az xəbər verir ki, Hizbullahın Teleqram kanalında məlumat yayılıb.

Məlumatda bildirilib ki, daha iki tank İsrail hərbi bazası yaxınlığında yerləşən Əl-Bəyyad bölgəsində idarəolunan raketlərlə vurulub.

Bəyanatda qeyd olunur ki, qruplaşma İsrail hərbçilərinin bu yaxınlarda nəzarətə götürdüyü Həddatə yaşayış məntəqəsindəki mövqeləri artilleriya və minaatanlarla atəşə tutublar. İsrail ordusu canlı qüvvə və texnika baxımından itkilər verib.