Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi, Özəl Tibb Müəssisələri Assosiasiyasının təşkilatçılığı ilə "İİV-ə (İnsanın İmmunçatışmazlığı Virusu) müayinə olaq, sağlam olaq"adlı layihə həyata keçirilib. 

Adalet.az xəbər verir ki, "İİV-ə müayinə olaq, sağlam olaq" layihəsi özəl xəstəxanalarda  İİV maarifləndirilməsi, könüllü məsləhət və müayinə xidmətlərinin yaradılması məqsədi daşıyır. Layihə respublikada İİV-in yayılmasının qarşısını almaq və tibbi personalın bu sahədə təhsilini artırmaq üçün nəzərdə tutulub.

Layihə çərçivəsində Respublika QİÇS-lə Mübarizə Mərkəzi, Mediland Hospital, Baku Medical Plaza, Respublika Diaqnostika Mərkəzi, Liv Bona Dea Hospital və Məlhəm International Hospital kimi müxtəlif tibbi müəssisələrlə əməkdaşlıq edilir.