Portuqaliya Futbol Federasiyasının prezidenti Pedro Proensa Kriştiano Ronaldo ilə milli komandanın baş məşqçisi Jorje Jezuş arasında yaranmış münaqişəni həll etmək üçün Kopenhagenə gedib.

Adalet.az xəbər verir ki, bu barədə “A Bola” məlumat yayıb.

Nəşrin məlumatına görə, Jezuş əvvəlcə 41 yaşlı Ronaldonu Millətlər Liqasının Norveçə qarşı səfər oyununda meydana buraxmağı planlaşdırmayıb. Baş məşqçi forvarda ikinci hissədə təxminən 30 dəqiqə oynamaq imkanı verməyi düşünürdü. Lakin Ronaldo oyuna çıxmayıb. Bu, onun 18 il ərzində ilk dəfə rəsmi matçda meydana çıxmaması olub. Qarşılaşmanın final fitindən sonra Ronaldo azarkeşlərə təşəkkür etmədən paltardəyişmə otağına yollanıb. Sentyabrın 29-da isə futbolçu fərdi qaydada idman zalında məşq edib.

Portuqaliya oktyabrın 1-də Millətlər Liqasında Danimarka ilə qarşılaşacaq. İki turdan sonra portuqaliyalılar 6 xalla A4 qrupuna liderlik edir. Komanda Danimarka və Norveçi 3 xal qabaqlayır.

Millətlər Liqası UEFA-nın təşkilatçılığı ilə Avropa milli komandaları arasında keçirilən beynəlxalq futbol turniridir. Turnir ilk dəfə 2018-ci ildə, 2018-ci il Dünya Çempionatının başa çatdığı dövrə uyğun olaraq keçirilib. Yarışda komandaların liqalar arasında yüksəlməsi və aşağı liqaya düşməsi prinsipi tətbiq olunur. Turnir iki ildən bir keçirilir və qalib cüt illərdə müəyyənləşir. Hazırkı çempion Portuqaliya millisidir.