17 iyul 2026-cı il tarixində rayon Gənclər Evinin könüllüləri Azərbaycan Respublikası Mədəniyyət Nazirliyi Nizami Gəncəvi adına Milli Azərbaycan Ədəbiyyatı Muzeyinin Xaqani Şirvani adına Aran Regional filialında olublar.

Filialın müdiri filologiya üzrə fəlsəfə doktoru, dosent Yaqut Bahadurqızı könüllüləri salamlayaraq Nizami Gəncəvi adına Milli Azərbaycan Ədəbiyyatı  Muzeyi və muzeyi Xaqani Şirvani adına Aran Regional filialı haqqında ətraflı məlumat verdikdən sonra, filialın əməkdaşları Azərbaycanın mədəni irsi, klassik ədəbiyyatımız barədə ziyarətçilərə maraqlı məlumat verdilər, onları müxtəlif mədəniyyət nümunələri, rəsm və heykəltaraşlıq əsərləri ilə yaxından tanış etdilər.

Könüllüləri maraqlandıran suallar muzey əməkdaşları tərəfindən cavablandırıldı və onlar böyük həvəslə muzeydə xatirə şəkilləri çəkdirdilər, rəy və təkliflər kitabına ürək sözlərini yazdılar.

 Könüllülər muzeyin ekspozisiya ilə ətraflı tanışlıqdan məmnun qaldıqlarını bildiriblər.