adalet.az header logo
  • Bakı 4°C
  • USD 1.7
08 Dekabr 2021 15:44
126
MƏMLƏKƏT

Marketlərdə də “BakıKartın” balansını artırmaq mümkün olacaq - YENİLİK

Marketlərdə, iri ticarət mərkəzlərində də "BakıKartın" balansını artırmaq mümkün olacaq.

Bu barədə Adalet.az-a Bakı Nəqliyyat Agentliyindən məlumat verilib.

"Sərnişinlərin "BakıKart"-ın balansını avtobus dayanacaq məntəqəsindən kənarda da artıra bilməsi üçün tədbirlər davam etdirilir. Bu çərçivədə "BakıKart" sisteminə inteqrasiya olunan "MilliÖn" ödəmə terminallarının sayı da artırılaraq 1354-ə çatdırılıb. Əlavə olaraq daha 62 terminalın da inteqrasiyası üçün iş aparılır. Bununla sərnişinlər artıq yalnız avtobus dayanacaq məntəqələrində deyil, Bakı şəhərinin müxtəlif ərazilərində fəaliyyət göstərən iaşə obyektlərində, iri ticarət mərkəzlərində və marketlərdə yerləşdirilən "MilliÖn" terminalları vasitəsilə də "BakıKartın" balansını artıra biləcəklər", - məlumatda qeyd olunub.