26 Sentyabr 2022 11:51
431
MƏDƏNİYYƏT

Məşhur aktyora ömürlük həbs cəzası verildi

“Riverdeyl” serialında “Cefri Avqustin” obrazını canlandıran aktyor Rayan Qrantem 2020-ci ildə anasını öldürdüyünə görə ömürlük həbs cəzasına məhkum edilib.

Adalet.az xarici mətbuata istinadən xəbər verir ki, Kanadanın qərb sahilində yerləşən Vankuver liman şəhərinin Britaniya Kolumbiyası Ali Məhkəməsi yekun qərar açıqlayıb. Belə ki,  2020-ci ildə anası Barbara Ueyti qətlə yetirməkdə təqsirli bilinən aktyor Rayan Qrantem haqqında yekun hökm açıqlanıb. 

Məhkəmənin sözçüsü yerli mediaya bildirib ki, iş faciəli və ürəkağrıdandır. Kanadanın CBS telekanalının məlumatına görə, 21 yaşlı Qrantem baş nazir Castin Trüdonu öldürməyi planlaşdırırdı və həmçinin Vankuverdəki Simon Freyzer Universitetinə və ya Lions Gate körpüsünə kütləvi hücum planlaşdırırdı.

 Lakin 200 kilometr yol getdikdən sonra polis bölməsinə təslim olub. Polisə “anamı öldürdüm” deyərək qətli etiraf edib. Grantham ömürlük cəzasının ilk 14 ili ərzində şərti azadlığa çıxmaq üçün müraciət edə bilməyəcək.

Əntiqə Kərimzadə