Motosiklet və moped sürücülərinə MÜRACİƏT

Daxili İşlər Nazirliyi Nəqliyyatı İntellektual İdarəetmə Mərkəzi motosiklet, moped sürücülərinə müraciət edib.
Adalet.az həmin müraciəti təqdim edir:
"Motosiklet, moped sürücüləri Nəqliyyatı İntellektual İdarəetmə Mərkəzinə dəvət olundu – Qaydalar izah edildi, real qəza kadrları izlədildi.
Motosiklet, moped, skuter, həmçinin velosiped kimi nəqliyyat vasitələrinin səbəb olduğu yol-nəqliyyat hadisələrində ağır xəsarət və ölüm halları daha çox olur. Sürücülər anlamalıdır ki, qəza baş verdikdən sonra gələn zamanı geri qaytarmaq istəyi heç vaxt reallaşmayacaq. Amma baş verən hadisələrdən nəticə çıxarıb nəqliyyat vasitəsini qaydalar çərçivəsində idarə edərək, ara məsafəsini gözləyərək, sürət həddini aşmayaraq, svetoforun qadağanedici nişanında keçməyərək, təhlükəli manevrlər etməyərək qəzalardan yayınmaq mümkündür!
Nəqliyyatı İntellektual İdarəetmə Mərkəzində bu cür nəqliyyat vasitələrinin sürücülərinə qarşı davam etdirilən profilaktik tədbirlər zamanı hər bir qayda pozuntusunun müxtəlif ağır nəticələrə səbəb ola bilməsi diqqətə çatdırılır. Onlara real qəza videoları izlədilməklə hadisələrin baş vermə səbəbləri daha aydın göstərilir.
İkitəkərli nəqliyyat sürücülərinə bir daha müraciət edirik ki, ağır faciələrə səbəb olmamaq üçün yola çıxarkən bütün hərəkət iştirakçılarının hüquqlarına hörmətlə yanaşmaq, qaydalara riayət etmək lazımdır".
Digər Xəbərlər

BDYPİ bu nəqliyyat vasitələri ilə bağlı xəbərdarlıq etdi

Bakının bu küçəsində təmir işlərinə başlanıldı

Bakıda tıxac olan yolların siyahısı

Bakının bu yollarında tıxac var

Texniki baxışın müddəti necə hesablanır? - VİDEO

Yol polisi sürücüləri bir daha xəbərdarlıq etdi...

Ötmə və manevretmə qaydaları ilə bağlı sürücülərə müraciət - VİDEO
